TECH: DV samsung

向 新 界 出 發 ： 一 指 操 控 高 清 夕 陽 　 易 借 易 還

瀏覽人次 : 7，033   回應 : 1

邦 民 女 Kama 玩 轉 型 ， 晚 晚 對 住 你 唱 《 世 界 真 細 小 》 ， 甜 爆 笑 渦 盡 界 少 男 。 最 近 連 三 星 都 搵 佢 代 言 旗 下 首 部 全 高 清 DV ， 拍 片 、 影 相 解 像 度 超 高 ， 影 日 落 連 雲 層 次 都 好 豐 富 ， 一 隻 手 指 求 其 都 Cap 到 黃 昏 靚 景 ！ 返 到 屋 企 直 駁 電 腦 即 抄 即 Edit ， 駁 埋 PS3 還 原 高 清 靚 片 都 仲 得 ， 名 副 其 實 高 清 夕 陽 易 借 易 還 。 好 牽 強 、 好 爛 Gag ？ 呢 期 界 興 呀 ！

記 者 ： 徐 影 龍
攝 影 ： 譚 盈 傑
Model : Kama@elite
鳴 謝 ： 三 星 電 子

唔 手 震 全 靠 快 閃

■ 手 持 DV 、 邊 行 邊 拍 下 ， 畫 面 仍 不 致 鬆 郁 矇 ， 全 靠 機 輕 。

早 排 去 過 白 泥 影 日 落 ， 可 惜 個 天 都 唔 鍾 意 我 ， 微 微 細 雨 落 個 不 停 ， 交 唔 到 差 。 今 次 約 埋 邦 民 女 試 機 影 相 ， 老 頂 話 翻 啅 無 雷 公 咁 遠 白 泥 黃 昏 景 ， 我 梗 話 好 喇 ， 難 得 獨 霸 Kama 一 整 天 陪 我 遊 車 河 ！
由 於 架 車 有 GPS 幫 助 ， 約 半 個 鐘 已 順 利 入 到 流 浮 山 ， Kama 口 痕 想 掃 街 ， 佢 一 邊 試 食 金 桔 、 腰 果 ， 我 就 一 邊 用 三 星 部 HMX20C 猛 咁 影 ， 好 彩 部 高 清 DV 機 仔 細 細 ， 內 置 埋 8GB 快 閃 記 憶 體 ， 跟 市 面 一 般 DV 用 硬 碟 式 比 較 ， 勝 在 夠 輕 夠 穩 定 ， 長 長 窄 巷 邊 行 邊 影 都 唔 會 撞 到 人 ， 而 且 Zoom 掣 符 合 晒 手 形 ， 食 指 輕 輕 鬆 鬆 已 玩 到 變 焦 ， 又 或 用 指 公 快 速 切 換 拍 片 、 影 相 模 式 ， 整 個 過 程 郁 手 指 搞 掂 晒 ， 等 我 另 一 隻 手 可 以 幫 手 試 食 。

	■ HMX20C 功 能 多 多 但 操 控 簡 單 ， Kama 一 陣 就 玩 熟 。
■ 數 埋 唔 夠 十 粒 掣 ， 大 部 份 操 控 晒 輕 觸 屏 幕 度 。	■ 跟 機 有 埋 遙 控 ， 無 聊 大 可 自 拍 短 片 掟 上 Youtube 。

三 分 鐘 摸 熟 高 清 DV

■ 無 花 無 假 ， DV 都 影 到 雲 好 有 層 次 ， 相 當 有 Feel 。

界 潮 興 自 拍 再 擺 相 Blog 度 ， Kama 當 然 唔 例 外 ， 拎 部 卡 片 DC 影 個 不 亦 樂 乎 ： 「 我 部 DC 可 以 拍 埋 片 ， 不 過 效 果 麻 麻 。 咦 ？ 你 部 DV 影 相 咁 清 ？ 好 犀 利 呀 ！ 」 DC 、 DV 一 早 已 互 撈 過 界 ， 不 過 兩 者 始 終 各 有 強 項 ， 但 三 星 呢 部 HMX20C 玩 全 高 清 ， 不 但 Full HD 拍 1080p 高 清 影 片 ， 就 算 轉 做 相 機 一 樣 有 800 萬 像 素 ， 唔 差 得 過 Kama 手 上 部 卡 片 DC 。 HMX20C 已 達 專 業 級 ， 操 控 上 卻 出 奇 地 簡 單 ， 精 髓 全 個 2.7" 輕 觸 屏 幕 上 ： 「 個 芒 就 得 喎 ， 邊 個 Icon 睇 片 ？ 哦 ， 應 該 係 呢 個 ； 邊 個 睇 相 ？ 唔 ， 應 該 係 呢 度 … … 」 Kama 自 問 自 答 ， 三 兩 分 鐘 已 摸 熟 部 機 ， 完 全 無 我 獻 殷 勤 餘 地 。

■ 一 到 白 泥 ， Kama 急 不 及 待 周 圍 影 ， 仲 不 時 自 拍 一 番 。	■ 影 相 達 800 萬 像 素 ， 仲 有 景 深 效 果 ， 頂 得 住 卡 片 DC 。
■ 640 萬 像 素 CMOS ， 影 1080p Full HD 綽 綽 有 餘 。	■ 10 倍 光 學 × 100 倍 數 碼 變 焦 ， 連 對 面 深 圳 貨 櫃 碼 頭 都 可 高 清 重 現 。

規 格 表 ：

感 光 元 件 ： 640 萬 像 素 CMOS
影 片 解 像 度 ： 最 高 1080p （ 25fps ）
相 片 解 像 度 ： 最 高 3,264 × 2,448
記 憶 體 ： 內 置 8GB 快 閃 記 憶 ＋ SD 槽
屏 幕 ： 2.7" 輕 觸 屏 幕
體 積 ： 66 × 67.2 × 139mm
重 量 ： 456g
查 詢 ： 三 星 電 子 （ 3698 4698 ）